Promoja e re e “Big Brother VIP Albania” ka ndezur diskutime përmes disa momenteve të prezantuesit Ledion Liço. Me një dozë humori dhe, ndoshta, një kunj të menduar mirë, Ledioni e nisi me shprehjen: “I yti ta fut”, duke ngritur menjëherë kureshtjen e publikut për çfarë qëndron pas kësaj zgjedhjeje të veçantë.
Më pas, në një skenë që ka ngjallur shumë komente, Ledioni shfaqet duke kërkuar sinonime për fjalën “yje” në një libër. Kjo duket si një referencë e drejtpërdrejtë ndaj shprehjes së famshme “Mirëmbrëma yje”, të cilën Arbana Osmani e përdori në dy edicionet e para të BBVA dhe që tashmë e ka bërë pjesë të identitetit të saj me një emision të titulluar pikërisht kështu.
Në promon e tij, Ledioni provon disa versione alternative si “Mirëmbrëma kasiopianë” dhe “Mirëmbrëma galaktikë”, duke sugjeruar se ndoshta është në kërkim të një fraze të re që të zëvendësojë ikoniken “yje”. Kjo lëvizje është parë nga komentuesit si një “thumb” i menduar me kujdes ndaj Arbanës.
A është kjo një përpjekje për të sjellë një epokë të re për BBVA apo një “thumb” miqësor ndaj Arbanës? Kjo mbetet për t’u parë, por një gjë është e sigurt: BBVA sapo e ndezi skenën përpara se loja të fillojë zyrtarisht!
