Arrestimi i Noizyt, pas dhunës së ushtruar ndaj TikTok-erit kosovar, dhe kërkesa e Kosovës për ekstradimin e tij drejt Kosovës ka sjellë edhe mbështetjen e "armikut" të tij të dikurshëm, Arkimed Lushaj, i njohur si Stresi. Madje, ky i fundit ka shkuar më tej, kërkon ndërhyrjen e kryeministrit Edi Rama ndaj autoriteteve të Kosovës mos ekstradimin e tij.
“Edi Rama, dil fol pak për shokun tonë, sepse është e padrejtë çdo gjë? Kaq kollaj qenka se çohet Albulena i teket asaj për një ngatërresë klubi dhe lëshon urdhër ndërkombëtar”, ka shkruar në Instastory, reperi nga Tropoja, Arkimed Lusha (Stresi).
Reagimi i Stresit vjen pas tensioneve të fundit mes tij dhe autoriteteve të Kosovës, duke vënë në dukje shqetësime për drejtësinë dhe mënyrën sesi po trajtohet rasti i Noizyt. Çështja e ekstradimit të Noizyt në Kosovë mbetet ende tepër e diskutuar.
