Noizy, Elvana Gjata, Peggy Zina dhe Niko Makropoulos do të performonin në një lokal nate në Sarandë. Noizy do të mungojë në koncert pasi Policia e Kosovës njoftoi në një deklaratë publike që kërkonte ndihëm e qytetarëve për të bërë të mundur lokalizimin dhe arrestimin e Noizyt dhe Dj të tij Crax. Reperi u arrestua në Shëngjin, së bashku me Dj-in e tij, DJ Crax. Ata u arrestuan nga Euro Fast Shqipëria pasi Kosova lëshoi urdhër arrest për ta.
Këngëtari dhe DJ i tij u kërkuan nga autoritetet kosovare pas sherrit të ndodhur në Pejë, në përfundim të koncertit të tyre, ku tiktokeri Medi Iseni u rrah brutalisht. Kujtojmë se dje Policia e Kosovës ka kërkuar ndihmën e qytetarëve në mënyrë që të arrestojë reperin e njohur Stresi, emri i vërtetë i të cilit është Arkimed Lushaj. Sipas policisë së Kosovës, Stresi është i kërkuar për veprën penale: “Ndihma” nё kryerjen e “Lёndim i rёndё trupor”.
Sot jam #MeNoizyn për të mbrojtur artistët dhe artin. Jam #MeNoizyn për të mbrojtur njeriun e përkushtuar ndaj pinës dhe vlerave që mbart arti. Jam #MeNoizyn për të mbrojtur veten dhe familjen. Sepse drejtësia duhet të ketë një dhe vetëm një standard”, shkruan Elgit Doda, që shfaqet si këngëtar dhe tekstshkrues.
Postimi i tij është shpërndarë nga shumë artistë, duke filluar nga Çiljeta, Bardhi, Blerim Destani, Ronela Hajati dhe disa të tjerë.
Se sa vlerë ka muzika dhe arti i Noizyt kjo mbetet çështje e shijeve personale të çdokujt. Por që të dalësh si avokat i një këngëtari që ka keqtrajtuar një person, i filmuar nga miqtë e tij në këtë akt të shëmtuar është më së paku injorancë dhe keqdashje. Pa folur pastaj për standartin “artistik” të vetë Noizyt dhe mbështetësve të dhunës ushtruar prej tij.
