Godet sërish kryetari i PD. E vërteta e Ymer Pampurit dhe medaljeve të Shqipërise në Olimpiada

Kryetari i PD Sali Berisha ka reaguar sot për fitoren e parë të një medalje për Shqipërinë në Lojërat Olimpike. Sipas tij kjo ka ndodhur dhe më parë me peshëngritësin Ymer Pampuri në Lojërat e Mynihut në vitin 1972. Çka në fakt nuk është e vërtetë sepse në atë vit, në lojërat olimpike peshëngritësi shqiptar ka zënë vendin e 9-të Ymer Pampuri jo vetëm që nuk ka qenë Kampion Olimpik, por nuk ka qenë as Nënkampion Olimpik, as fitues i vendit të tretë (medalje bronzi). Madje, nuk është renditur as i katërti, as i pesti, as i gjashti, as i shtati, as i teti, por vetëm i 9-ti! Dhe në faqen zyrtare të Komitetit Ndërkombëtar Olimpik shkruhet: Ymer Pampuri kishte qenë i dyti në shtytje në Kampionatin Evropian të vitit 1972 në peshën 60 kg, por ishte ende një surprizë kur ai udhëhoqi kompeticionin në shtytje në Lojërat Olimpike të 1972. Në Shqipërinë e tij të lindjes, ushtrohej vetëm shtytja dhe Pampuri nuk kishte përvojë në disiplinat e tjera dhe përfundoi në vendin e nëntë në Mynih. David Wallechinsky më vonë ishte në gjendje ta gjurmonte dhe ta intervistonte në vendlindjen e tij në Shqipëri, ku ai punonte si klloun cirku.

Nuk është e qartë pse kryetari PD duhet të këmbëngulë për një çështje sportive për të cilën nuk është ekspert , ku mundësi legjendë për të cilin flet në fakt është peshëngritës dhe pa medalje të artë.