Shqipëria luan sot në orën 18:00 përballë Gjeorgjisë, ndeshje që vlen për raundin e katërt në grupet e Ligës së Kombeve.
Të dyja përfaqësueset vijnë pas humbjeve në sfidat e fundit, tri ditë më parë. Së fundmi janë publikuar dhe formacionet zyrtare.
Silvinjo ka surprizuar në sfidën e sotme pasi vjen me tre ndryshime nga ndeshja e fundit në Çeki. Mbrojtja është reparti më i prekur ku trajneri brazilian ka vendosur të ulë në stol Elseid Hysajn dhe Marash Kumbullën.
Në sulm debuton për herë të parë Indrit Tuci. 24-vjeçari ka marrë vendin e Mirlind Dakut. Kapiten për këtë takim te kuqezinjtë është mbrojtësi Ismajli.
