Gazetari i njohur Blendi Fevziu ka “bërë bashkë” qeverinë e dhe opozitën. Në një panel të organizuar nga Ministria Për Evropën dhe Punët e Jashtme me temë “Rruga e Shqipërisë drejt Bashkimit Europian” me moderator gazetarin Blendi Fevziu, merrnin pjesë kryenegociatorja e emëruar nga qeveria, Majlinda Dhuka dhe Kryetarja e Komisionit të Çështjeve Evropiane, deputetja e PD, Jorida Tabaku.
Nuk ndodh shpesh që përfaqësuesit e mazhorancës dhe opozitës të ulen së bashku, sidomos për tema për të cilat ndajnë qëndrime të ndryshme. Edhe në këtë rast qeveria është shprehur se ka pasur arritje në negociatat për në BE, ndryshe nga opozita e cila thotë se korrupsioni dhe kapja e shtetit ditat ditës e largojnë Shqipërinë nga ky proces.
Por mesa duket në një ditë si kjo ka vend për mirëkuptim. Aq më tepër që paneli drejtohej nga gazetari i njohur Blendi Fevziu i cili gjatë gjithë verës me rroba plazhi promovoi turizmin në Shqipëri ndërsa sot i veshur me kostum deklaroi se nuk shpreson se do të jetë gjallë kur Shqipëria të hyjë në Europë.
Deklaratë që tingëllon e çuditshme, ndërsa Tanja Fajon me kostumin e eurodeputetes ka deklaruar se hyrja e vendit tonë parashikohet të jetë në vitin 2030. Pak larg si datë për pritshmërite e shqiptarëve dhe largqoftë nëse Blendi Fevziu i del parashikimi.
