Gjykata e Posaçme dënoi me shërbim prove ish-anëtarin e Gjykatës së Lartë, Guxim Zenelaj. Ai u shpall fajtor për veprën penale “Refuzimi për deklarim, mosdeklarimi, fshehja ose deklarimi i rremë i pasurisë”.
Zenelaj u dënua me 6 muaj burg, por gjykata ia konvertoi dënimin në 1 vit shërbim prove, me kusht që të mos kryejë vepër tjetër penale.
SPAK e akuzoi atë për pamundësi financiare në blerjen e një toke në Porto-Palermo, Himarë, si dhe për gjashtë pasuri të tjera të ndodhura në Ishull-Shëngjin, Lezhë. Më herët, gjykata kishte vendosur konfiskimin e këtyre pasurive të ish-gjyqtarit.
