Gjykata e Posaçme rrëzon kërkesën e Nezar Seitit për zëvendësimin e masës së sigurisë. Seiti njihet si financieri i grupit kriminal Habilaj në trafikun e drogës. Për favorizimin e Habilajve u hetua edhe ish-ministri i Brendshëm, Saimir Tahiri, i cili në fund u dënua vetëm për trafik droge. Seiti u ekstradua drejt Italisë në mënyrë të paligjshme dhe asokohe u hetua edhe Ministrja e Drejtësisë, Etilda Gjonaj. Njoftimi 1. Kërkuesi Nezar Seiti me datë 31.10.2024 ka paraqitur pranë Gjykatës kërkesën me objekt: “Zëvendësimin e masës së sigurimit”. 2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtaret Elsa Ulliri, Rudina Palloj dhe Luljeta Kole, bazuar në nenin 260 të K.Pr.Penale, me vendimin Nr. 620, datë 07.11.2024, vendosi: 1. Rrëzimin e kërkesës. 2. Shpenzimet gjyqësore siç janë bërë. 3. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 5 ditëve duke filluar ky afat nga e nesërmja e komunikimit të vendimit. Tiranë, më datë 07.11.2024 Gjykata e Posaçme e Shkallës së Parë për Korrupsionin dhe Krimin e Organizuar.
