Vullkani i njohur i Malit Etna në Italinë jugore ka shpërthyer sërish, duke nxjerrë hi dhe lavë nga krateri juglindor – një nga vrimat më aktive të tij. Aktiviteti vullkanik nisi mbrëmjen e djeshme dhe vijoi deri në mesditën e sotme, sipas raportimeve nga mediat ndërkombëtare.
Instituti Kombëtar Italian i Gjeofizikës dhe Vullkanologjisë ka konfirmuar lëvizjet vullkanike në malin që ngrihet në një lartësi prej 3.357 metrash. Si pasojë e reve të dendura të hirit, u lëshua një paralajmërim me kod të kuq për trafikun ajror që kalon mbi rajon. Megjithatë, më vonë ky paralajmërim u hoq, pasi situata u stabilizua.
Etna mbetet një nga vullkanet më aktive në botë, me një gjendje të vazhdueshme aktiviteti. Shpërthimi i fundit i ndjeshëm ishte regjistruar në nëntorin e kaluar. Autoritetet vijojnë të monitorojnë nga afër situatën për të garantuar sigurinë e banorëve dhe transportit ajror në zonë
