Pas largimit të Sylvinho-s nga drejtimi i Kombëtares shqiptare, Federata Shqiptare e Futbollit duket se ka gjetur pasuesin e brazilianit. Italia mbetet sërish pikë referimi për presidentin e FSHF-së, Armand Duka, i cili ka vendosur t’i besojë pankinën kuqezi një tjetër tekniku italian.
Emri i përzgjedhur është Rolando Maran, trajner me eksperiencë në futbollin italian, i njohur kryesisht për aventurat e tij në Serie A dhe Serie B. Edhe pse nuk konsiderohet një emër i profilit të lartë në futbollin italian, Maran shihet si kandidati ideal për të vijuar projektin e nisur me Kombëtaren.
Mbetet të shihet nëse FSHF do ta zyrtarizojë së shpejti marrëveshjen, ndërsa tifozët kuqezi presin me interes emrin e trajnerit të ri që do të udhëheqë Shqipërinë në sfidat e ardhshme.
