Sylvinho nuk është më trajner i Kombëtares shqiptare. Përmes një komunikimi për mediat, Federata Shqiptare e Futbollit ka bërë të ditur se tekniku brazilian i ka dhënë fund aventurës së tij me kuqezinjtë, duke mbyllur një kapitull të rëndësishëm në pankinën e Shqipërisë.
Ndërkohë, FSHF ka njoftuar se zëvendësuesi i tij është përzgjedhur dhe do të prezantohet zyrtarisht sot në orën 10:00, gjatë një konference për mediat në “Shtëpinë e Futbollit”. Ende nuk janë bërë publike detaje mbi emrin e trajnerit të ri që do të marrë drejtimin e Kombëtares.
