Këshilli i Lartë i Prokurorisë shtyn mbledhjen ku do të zgjidhet kreu i SPAK. Qeveria e prokurorëve kishte caktuar datën 4 dhjetor për të zhvilluar intervistat me kandidatët dhe menjëherë më pas votimin për zgjedhjen e drejtuesit të ri të strukturës antikorrupsion.
Por, për shkak se njëri nga anëtarët e KLP kishte probleme shëndetësore, është vendosur me dakordësi shtyrja e mbledhjes për në datën 11 dhjetor. Pasi të dëgjojë kandidatët, KLP do të kryejë edhe votimin.
Në garë për drejtuesin e SPAK janë Adnand Xholi, Klodian Braho, Doloreza Musabelliu dhe Elvin Gokaj. Në tre vitet e fundit, Prokuroria e Posaçme u drejtua nga Altin Dumani.
