Në një dokument të rrallë të datës 12 shkurt 1948, At Mihal (Nikoll) Terova, klerik shqiptar që shërbente në Shtetet e Bashkuara të Amerikës, i drejtohet drejtpërdrejt Enver Hoxhës, me një apel që sfidon atmosferën e rëndë politike të pasluftës. Letra e tij kërkon lehtësimin e dënimit ose lirimin e Peshkop Irini Banushit të Shkodrës, i arrestuar në vitin 1946, një figurë e njohur e hierarkisë kishtare shqiptare.
Në mënyrë të qartë dhe të drejtëpërdrejtë, At Terova – pastor i qyteteve Brocton, Hudson, Marlboro dhe Irmingham, me qendër në Matick të Massachusetts – i kujton autoriteteve shqiptare shembullin e lirimit të deputetit grek Konstatopulos nga forcat e Markos në Greqi, duke nënvizuar se një hap human nga Tirana do të krijonte “përshtypje të mirë” brenda dhe jashtë vendit.
Kleriku e përshkruan Peshkop Banushin si njeri me edukatë e virtyte, “që shpërblen gabimet me mirëbërje”, duke vënë në dukje se njerëz të tillë mund të jenë të dobishëm për shoqërinë shqiptare — një mesazh i guximshëm për kohën.
Letra mbyllet me sinqeritetin e nënshkruesit dhe një kujtesë të shkurtër për të kaluarën e tij si ish-klerik në Korçë deri në vitin 1939.
Letra
Më 12 Shkurt 1948
Kryeministrit të Shqipërisë Gjeneral Enver Hoxha
Tiranë-Shqipëri
I nënshkruari prift shqiptar, pastor i qyteteve Brocton, Hudson, Marlboro, Irmingham me qendër në Matick, Mass të Shteteve të Bashkuara të Amerikës, duke marrë parasysh përshtypjen jo të vogël të lirmit të Deputetit grek Konstatopolos nga partizanit e Markos, mar guximin me ndërgjegje të pastër pa nteres që të bëni ju dhe autoritetitet përkatëse për lehtësimin e fajita ose lirimin nga burgu të Klerikut Peshkop Irini Banushi prej Shkodre, dhe jam I sinqertë se do të bëhet përshtypje e mirë.
Njerëz me edukatë si Banushi janë të dobishëm dhe shpërblejnë gabimet me mirëbërje.
Me sinqeritet, ish Klerik gjer më 1939 Korçë
At Nikoll P.Terova!
