Avokatët përshkallëzojnë bojkotin dhe nga e hëna do të braktisin edhe seancat e caktimit të masave të sigurisë, çka do të sillte lirimin e personave në konflikt me ligjin.
Vendimi u mor sot në mbledhjen e avokatëve dhe Këshilli Drejtues vendosi që Dhoma Kombëtare e Avokatisë të mbulojë shpenzimet e gjobave të vendosura ndaj avokatëve nga ana e trupave gjykues.
Bojkoti u vendos pas miratimit të rregullores së GJKKO-së, që sipas avokatëve cenon të drejtat e tyre dhe i pengon të ushtrojnë mbrojtje efektive ndaj klientëve të tyre.
