Ministrja e Shtetit, Elisa Spiropali, njihet për deklaratat e bujshme që bën në publik, ku një prej tyre është edhe ajo ku cilëson shefin e saj, kryeministrin Rama si Skënderbe.
Një deklaratë poetiko-filozofik, Spiropali ka bërë edhe ditën e sotme para studentëve të sapodiplomuar në Tiranë.
“Ju të dashur djem dhe vajza, ju që sapo mbaruat studimet universitare dhe pas pak do të lini shkollën për t’u ndeshur me tallazet e jetës, ju jeni e ardhmja. Thonë se e ardhmja dhe e shkuara nuk ekzistojnë. Ekziston vetëm e tashmja. E kanë gabim! E tashmja nuk ekziston. E tashmja nuk është veçse e shkuara që kërcënon dhe e ardhmja që premton” – u shpreh Elisa Spiropali.
Me një hartim poetik shkruar në planetin e Rilindjes ku nuk flitet për largimet e mijëra të rinjve, për zbrazjen nga truri dhe ku nuk lexohen madje as shifrat që vetë INSTAT-i i Elisës publikoi një javë më parë!
