Në një video të siguruar nga VNA shihet qartë drejtori i Përgjithshëm i Policisë Rrugore, Altin Qato që godet një qytetar. Ngjarja ka ndodhur pas protestës së sotme ndërsa policia ka shoqëruar disa protestues. Në pamjet filmike duket një djalë i ri, i shoqëruar nga forcat e rendit, që nuk kundërshton dhe befas qëllohet me shpullë nga Altin Qato.
Përpos këtij akti flagrant dhe agresiv, nuk kuptohet se ç’punë ka një drejtor i policisë rrugore të shoqërojë protestuesit kur kjo është detyrë e policisë së rendit.
Sa i përketë protestës, ky ishte tubimi i tretë që pas ndërtimi i aksit Thumanë-Kashar. Banorët e Krujës dhe Fushë-Krujës shprehen se janë të izoluar nga kjo rrugë pasi nuk kanë akses në të. Ata kanë protestuar dhe herë të tjera, policia ka bërë detyrën e sot dhe vetëm sot u shënua kjo ngjarje e shëmtuar. Ende nuk ka asnjë reagim nga Ministri i Brendshëm për këtë rast.
[video width="848" height="480" mp4="https://cdnimpuls.com/vna.al/wp-content/uploads/2024/08/WhatsApp-Video-2024-08-02-at-8.04.23-PM.mp4"][/video]
