Më 26 korrik 2024, Parlamenti miratoi me 106 vota pro, 2 kundër dhe asnjë abstenim, ndryshimet në Kodin Zgjedhor. Ndryshimet përfshijnë një element të ri – votën e Diasporës. Për të siguruar votën e shqiptarëve që jetojnë jashtë vendit, duket se ka nisur puna seriozisht. Sot, Komisioni Qendror i Zgjedhjeve (KQZ) ka publikuar një draft për rregullat e regjistrimit të zgjedhësve nga jashtë vendit dhe për përgatitjen e listës së zgjedhësve.
Bazuar në këtë dokument, votuesit duhet të regjistrohen online. Regjistrimi nis 120 ditë para zgjedhjeve dhe mbyllet 68 ditë para ditës së votimit. Ndër të tjera, drafti specifikon dokumentet që çdo emigrant duhet të dorëzojë tek KQZ për të marrë pjesë në votime. KQZ pritet të ndërtojë një aplikacion të quajtur PER, përmes të cilit emigrantët regjistrohen dhe bëjnë kërkesën për regjistrim.
“Zgjedhësi që dëshiron të votojë nga jashtë paraqet kërkesë individuale për regjistrim në listën e zgjedhësve që votojnë nga jashtë vendit në Komisionin Qendror të Zgjedhjeve sipas procedurave të përcaktuara në këtë vendim”, thuhet në draft. Aplikacioni pa pagesë do t’u mundësojë shqiptarëve që jetojnë jashtë të regjistrohen, duke përfshirë të dhënat si adresa e shtëpisë në shtetin ku jetojnë, kontrata të banesës etj. Këto detaje private do të mundësojnë verifikimin që ata jetojnë jashtë vendit. Në këtë mënyrë, KQZ do të krijojë listën e zgjedhësve jashtë Shqipërisë.
Megjithatë, ende nuk është e qartë se si do të realizohet në praktikë votimi dhe si do të numërohen votat në Shqipëri. Edhe pse procesi duket në dobi të emigrantëve, një pyetje mbetet ende pa përgjigje: nisur nga precedentët që ka vendi ynë në lidhje me ruajtjen e të dhënave private, a do t’i besojnë emigrantët këto të dhëna KQZ-së? Kjo mbetet për t'u parë.
Për këtë, VNA ka publikuar draftin ku KQZ ka njoftuar se do të kryejë hapin e parë për votën e emigrantëve dhe të dhënat e domosdoshme për këtë proces.
REPUBLIKA E SHQIPËRISË
KOMISIONI QENDROR I ZGJEDHJEVE
KOMISIONI RREGULLATOR
Tiranë më protdate
Nr. protnumber
Data: DD MM VVVV Nr:000-000 Ora: HH:MM
P R O J E K T V E N D I M
PËR
MIRATIMIN E RREGULLAVE PËR REGJISTRIMIN E ZGJEDHËSVE NGA JASHTË
VENDIT DHE PËRGATITJEN E LISTËS SË ZGJEDHËSVE
Në mbështetje të nenit 20, pika 1, shkronja “dh”, nenit 25, pika 1, 5, dhe 12, nenit 46, pika 3, të
Ligjit Nr. 10019, datë 29.12.2008, “Kodi Zgjedhor i Republikës së Shqipërisë”, të ndryshuar, me
propozimin e Komisionerit Shtetëror të Zgjedhjeve, Komisioni Rregullator
V E N D O S I:
I. Rregulla të përgjithshme
1. 2. Çdo shtetas shqiptar me të drejtë vote që ndodhet jashtë vendit në datën e zgjedhjeve dhe që dëshiron
të ushtrojë të drejtën e votës për zgjedhjet për Kuvendin nga atje ku ndodhet, duhet të regjistrohet në
listën e zgjedhësve jashtë vendit, në përputhje me rregullat e përcaktuara në këtë vendim.
Regjistrimi i zgjedhësve që votojnë nga jashtë vendit realizohet nga Komisioni Qendror i Zgjedhjeve
(KQZ).
II. 1. Paraqitja e kërkesave për regjistrim të zgjedhësve nga jashtë vendit, afatet dhe dokumentacioni
shoqërues
Zgjedhësi që dëshiron të votojë nga jashtë paraqet kërkesë në mënyrë individuale për regjistrim në
listën e zgjedhësve që votojnë nga jashtë vendit në Komisionin Qendror të zgjedhjeve sipas
procedurave të përcaktuara në këtë vendim. Afati për paraqitjen e kërkesës fillon 120 ditë para datës
së zgjedhjeve dhe përfundon 68 ditë para kësaj date.
Data: dd mmvvvv Nr: 123-456
Ora: hh:mm
Për miratimin e rregullave për regjistrimin e
zgjedhësve nga jashtë vendit dhe përgatitjen e listës
së zgjedhësve
1
2. 3. Komisioneri Shtetëror i Zgjedhjeve njofton publikisht për hapjen e procesit të hartimit të listës së
zgjedhësve që votojnë nga jashtë vendit jo më vonë se 10 ditë përpara fillimit të këtij procesi.
Kërkesa kryhet përmes Platformës Elektronike të Regjistrimit, nga këtu e vijim në këtë vendim
referuar si “PER” e cila krijohet, mirëmbahet dhe përditësohet nga Komisioni Qendror i Zgjedhjeve.
PER është e aksesueshme pa pagesë për zgjedhësin. Zgjedhësit do t’i jepet mundësia ta shkarkojë
këtë platformë si në versionin desktop, ashtu edhe në atë mobile pa qenë i kushtëzuar nga lloji i
pajisjes elektronike që do të përdorë.
Paraqitja e kërkesës në PER bëhet duke krijuar një llogari në këtë platformë nga vetë zgjedhësi.
Krijimi i llogarisë dhe hyrja në të në vijim sipas rastit bëhet nëpërmjet përdorimit të 3 (tre) faktorë
autentifikimi. Njëri prej faktorëve autentifikues duhet të jetë biometrik me njohje të fytyrës (ang.
face recogniton) faktori tjetër është një kod unik i përkohshëm 6 shifror që i dërgohet zgjedhësit në
numrin e tij të telefonit mobil dhe email, si dhe faktori i tretë është Numri Personal i Identifikimi
(NID) i zgjedhësit dhe fjalëkalimi.
Pasi ka krijuar llogarin e tij në PER, për t’u regjistruar, zgjedhësi hyn në këtë llogari dhe ndjek këto
hapa:
a) Skanon përmes PER një dokument të vlefshëm identifikimi të lëshuar nga Republika e
Shqipërisë, pasaportë për jashtë shtetit, ose letërnjoftim. PER lexon dhe ngarkon
automatikisht në platformë të dhënat që përmban dokumenti i identifikimit. Nëse për arsye
të ndryshme këto të dhëna nuk ngarkohen automatikisht, atëherë zgjedhësi i ngarkon ato në
PER në mënyrë manuale.
b) Ngarkon në PER të paktën një nga dokumentet e listuar më poshtë që vërteton qëndrimin e
tij jashtë territorit të Republikës së Shqipërisë:
i. certifikatë pronësie ose dokument ekuivalent në shtetin e rezidencës që provon
pronësinë e banesës;
ii. vërtetim banimi ose dokument tjetër ekuivalent i lëshuar nga organe shtetërore
të vendit të rezidencës, ku përcaktohet adresa e banimit.
iii. iv. v. vi. vii. viii. kontratë qiraje ose huapërdorje të banesës;
kontratë kredie për blerje të banesës;
kontratë furnizimi ose faturë të furnizimit me ujë në banesë;
kontratë furnizimi ose faturë të energjisë (gaz ose elektrike) në banesë;
kontratë ose faturë të ofrimit të shërbimit të internetit/telefonisë fikse në banesë;
dokument të lëshuar nga organi kompetent i shtetit ku ka vendbanimin, i cili
vërteton qëndrimin e zgjedhësit në një institucion shëndetësor, kamp
emigracioni, apo tjetër të ngjashëm;
c) Ngarkon në PER të dhënat e mëposhtme:
i. iii. adresën personale të postës elektronike (email);
ii. numrin e celularit personal;
adresën e banimit e cila duhet të përmbajë të paktën këto të dhëna: shtetin, kodin
postar, qytetin, emërtesën e rrugës, numrin e banesës, elemente të tjera të adresës
(nëse ka).
III. Shqyrtimi i kërkesave dhe regjistrimi i zgjedhësve nga jashtë vendit
Data: dd mmvvvv Nr: 123-456
Ora: hh:mm
Për miratimin e rregullave për regjistrimin e zgjedhësve
nga jashtë vendit dhe përgatitjen e listës së zgjedhësve 2
1. PER përmes ndërveprimit në kohë reale me Regjistrin Kombëtar të Gjendjes Civile (RKGjC),
kontrollon saktësinë dhe përputhshmërinë e të dhënave të zgjedhësit që u përftuan sipas pikës 3,
shkronja “a”
, të kreut II, të këtij vendimi.
2. Të dhënat e identitetit të shtetasit kërkohen të verifikohen nga KQZ në Regjistrin Kombëtar të
Gjendjes Civile dhe, nëse ato janë të njëjta, bëhet nga Drejtoria e Përgjithshme e Gjendjes Civile
(DPGjC) regjistrimi në RKGjC i adresës së shtetasit që voton jashtë vendit në një rubrikë të
veçantë.
3. Nëse këto të dhëna janë të sakta dhe përputhen me të dhënat që RKGjC ka për këtë zgjedhës, PER
do t’i shfaqë zgjedhësit mesazhin se kërkesa e tij u regjistrua me sukses dhe se ai do të njoftohet për
rezultatin e shqyrtimit të kërkesës së tij nga Komisioni Qendror i Zgjedhjeve brenda 5 ditëve
kalendarike në llogarinë e tij në PER si dhe me email. PER i ofron mundësinë zgjedhësit që ka
paraqitur kërkesën për të ndjekur/gjurmuar statusin e shqyrtimit të saj.
4. Nëse këto të dhëna nuk janë të sakta, pra nuk përputhen me të dhënat që RKGjC ka për këtë zgjedhës,
PER do t’i shfaqë zgjedhësit mesazhin se duhet t’i saktësojë ato dhe se nuk mund të vazhdojë më
tej me kërkesën për regjistrim derisa të korrigjojë përkatësisht të dhënat që PER i identifikon si të
pasakta. Vetëm pas saktësimit të këtyre të dhënave zgjedhësi do të marrë mesazhin si në pikën 3, të
këtij kreu. Në rast të vështirësive për të realizuar regjistrimin sipas hapave të mësipërm, zgjedhësi
mund të ruajë draft kërkesën e tij në PER dhe të kontaktojë për ndihmë teknike lidhur me procesin
e regjistrimit, shërbimin e ndihmës që Komisioni Qendror i Zgjedhjeve vendos në dispozicion të
zgjedhësve nga jashtë vendit përgjatë gjithë periudhës së regjistrimit.
5. Komisioni Qendror i Zgjedhjeve, me vendim të Komisionerit Shtetëror të Zgjedhjeve përmes
Platformës, vendos mbi kërkesën për regjistrim të zgjedhësit brenda 5 ditëve kalendarike nga marrja
e saj nëpërmjet PER. Vendimi nëse do të përfshihet ose jo në listën paraprake të zgjedhësve që
votojnë jashtë vendit i njoftohet në llogarin e tij në PER, si dhe në adresën e email të deklaruar në
platformë.
IV. Përbërësit e listës së zgjedhësve jashtë vendit, mënyra dhe afatet e komunikimit me RKGjC, si
dhe modalitetet e rregullat e tjera teknike të hartimit të kësaj liste
1. 2. 3. 4. Lista e zgjedhësve që votojnë jashtë vendit është një listë e vetme në nivel zone zgjedhore dhe
përmban listën e shtetasve shqiptarë që kanë shprehur vullnetin të votojnë nga jashtë vendit sipas
rregullave të përcaktuara në këtë vendim dhe që janë të regjistruar në Regjistrin Kombëtar të
Gjendjes Civile në territorin e zonës zgjedhore përkatëse.
Lista e zgjedhësve që votojnë jashtë vendit hartohet dhe përdoret rishtazi për çdo palë zgjedhje
për Kuvendin. Në çdo rast, KQZ-ja dhe Drejtoria e Përgjithshme e Gjendjes Civile ruajnë bazën
e të dhënave të zgjedhësve që votojnë nga jashtë vendit për çdo palë zgjedhje.
Përbërësit e listës së zgjedhësve nga jashtë vendit përfshijnë përbërësit zgjedhorë të përcaktuar në
shkronjat “a”, “b”, “c”, “ç”, “d” dhe “f’ të pikës 1 të nenit 45 të ligjit Nr. 10019, datë 29.12.2008,
“Kodi Zgjedhor i Republikës së Shqipërisë”, i ndryshuar, si dhe shtetin e vendbanimit të
zgjedhësit që voton jashtë vendit, i cili gjendet në rubrikën e veçantë në RKGjC ku është
regjistruar adresa e zgjedhësit sipas përcaktimeve të pikës 4, të kreut III, të këtij vendimi.
Në përfundim të procesit të regjistrimit të kërkesave të zgjedhësve për të votuar nga jashtë vendit,
sipas afateve të përcaktuara në pikën 1, të kreut II, të këtij vendimi, DPGjC nxjerr nga RKGjC
Për miratimin e rregullave për regjistrimin e zgjedhësve
nga jashtë vendit dhe përgatitjen e listës së zgjedhësve 3
Data: dd mmvvvv Nr: 123-456
Ora: hh:mm
listën paraprake të zgjedhësve nga jashtë vendit dhe ia dërgon atë Komisionit Qendror të
Zgjedhjeve jo më vonë se 63 ditë para datës së zgjedhjeve.
5. Komisioneri Shtetëror i Zgjedhjeve, 63 ditë përpara datës së zgjedhjeve, publikon listën paraprake
të zgjedhësve që votojnë jashtë vendit, me qëllim që zgjedhësit brenda 48 orësh nga publikimi i
saj mund të kërkojnë regjistrimin apo rregullimin e pasaktësive të regjistrimit të tyre në PER.
6. Komisioneri Shtetëror i Zgjedhjeve, 60 ditë para datës së zgjedhjeve, miraton dhe publikon në
faqen zyrtare të internetit të KQZ listën përfundimtare të zgjedhësve që votojnë jashtë vendit.
Lista e zgjedhësve pas përfundimit të procesit nuk ndryshon në asnjë rrethanë dhe për asnjë shkak
pas afatit të parashikuar në këtë pikë, me përjashtim të rastit të parashikuar në pikën 8 të nenit 25
të ligjit Nr. 10019, datë 29.12.2008, “Kodi Zgjedhor i Republikës së Shqipërisë”, të ndryshuar.
7. Lista e zgjedhësve nga jashtë vendit përmban: emërtimin e zonës zgjedhore, llojin dhe datën e
zgjedhjeve, përbërësit zgjedhorë të zgjedhësve, sipas përcaktimeve të pikës 4, të këtij kreu.
8. Lista e zgjedhësve hartohet në formatet e mëposhtme:
a) listë zgjedhësish në nivel zone zgjedhore në formë elektronike për publikim nga KQZ
dhe DPGjC, dhe që përmban përbërësit zgjedhorë të përcaktuar në shkronjat “a”, “b”,
“ç”, “d” të nenit 45 të ligjit Nr. 10019, datë 29.12.2008, “Kodi Zgjedhor i Republikës së
Shqipërisë”, të ndryshuar, emërtimin e zonës zgjedhore, llojin dhe datën e zgjedhjeve, si
dhe shtetin e vendbanimit të zgjedhësit që voton jashtë vendit i cili gjendet në rubrikën
e veçantë në RKGjC ku është regjistruar adresa e zgjedhësit sipas përcaktimeve të pikës
4, të kreut III, të këtij vendimi;
b) përmbledhje e të gjithë zgjedhësve në nivel vendi në formë elektronike për publikim nga
KQZ dhe DPGjC me përmbajtje sipas shkronjës “a” të kësaj pike.
9. Zgjedhësit në listë renditen sipas rendit alfabetik të mbiemrit.
10. Një kopje e listës së zgjedhësve nga jashtë vendit hartuar sipas rregullave të përcaktuara në këtë
vendim i dërgohet nga KQZ Arkivit Qendror të Shtetit jo më vonë se 10 ditë pas miratimit të kësaj
liste nga Komisioneri Shtetëror i Zgjedhjeve.
11. Kur zgjedhësi që ka paraqitur kërkesë për regjistrim në listën e zgjedhësve që votojnë nga jashtë
vendit vëren se nuk është i regjistruar në këtë listë, ose regjistrimi i tij ka pasaktësi, ai ka të drejtë
të paraqesë kërkesë në Gjykatën e Shkallës së Parë të Juridiksionit të Përgjithshëm Tiranë deri 7
ditë përpara datës së zgjedhjeve. Kërkesa sipas kësaj pike, përjashtohet nga taksat gjyqësore.
Gjykata e shqyrton dhe vendos në lidhje me kërkesën, sipas kësaj pike, brenda 24 orëve nga data
e regjistrimit të kërkesës, por jo më vonë së 5 ditë para datës së zgjedhjeve. Emri dhe të dhënat e
tjera të zgjedhësit që i shtohet listës së zgjedhësve që votojnë nga jashtë vendit, i bashkëngjitet
vendimi i gjykatës.
12. Shtetasit shqiptarë që janë regjistruar në listën e zgjedhësve jashtë vendit, pas përfundimit të
procedurës së regjistrimit sipas këtij vendimi, çregjistrohen nga lista e zgjedhësve brenda vendit
që shpallet sipas nenit 56 të ligjit Nr. 10019, datë 29.12.2008, “Kodi Zgjedhor i Republikës së
Shqipërisë”, të ndryshuar.
13. DPGJC harton listën e zgjedhësve sipas përcaktimeve të nenit 46, pika 1, të ligjit Nr. 10019, datë
29.12.2008, “Kodi Zgjedhor i Republikës së Shqipërisë”, të ndryshuar, duke hequr nga kjo listë
emrat e atyre personave që janë të regjistruar në regjistrin e shtetasve që votojnë nga jashtë vendit.
V. Mbikqyrja dhe kontrolli i procesit
Data: dd mmvvvv Nr: 123-456
Ora: hh:mm
Për miratimin e rregullave për regjistrimin e zgjedhësve
nga jashtë vendit dhe përgatitjen e listës së zgjedhësve 4
1. 2. 3. Auditët teknicienë të miratuar sipas nenit 61, të ligjit Nr. 10019, datë 29.12.2008, “Kodi Zgjedhor
i Republikës së Shqipërisë”, të ndryshuar, kryejnë verifikimin e veprimeve të realizuara nga
KQZ për regjistrimin e shtetasve që votojnë nga jashtë vendit duke filluar nga 120 ditë nga data
e zgjedhjeve.
Partitë politike, organizatat joqeveritare shqiptare dhe të huaja, si dhe organizatat ndërkombëtare
të specializuara ose të angazhuara në mirëqeverisjen dhe demokratizimin, përfaqësuesit e
shteteve të huaja të akredituar në Shqipëri, si dhe të medias, në kuadër të transparencës dhe
informimit, kanë të drejtë të njihen me të gjitha elementët e PER, veçanërisht gjatë proceseve të:
testimit paraprak operacional, kontrollit apo auditimit të saj, si dhe kanë të drejtën për t’u njohur
dhe marrë pjesë në testime gjatë procesit të regjistrimit të kërkesave të zgjedhësve nga jashtë
territorit të Republikës së Shqipërisë sipas parashikimeve të këtij vendimi.
Me kërkesë të partive politike, ose kryesisht KQZ, mundëson auditim të pavarur të PER nga
subjekte të specializuara.
VI. Dispozita të fundit
1. 2. 3. Ngarkohet administrata e KQZ-së dhe institucionet e ngarkuara me detyra nga ky vendim, me
zbatimin e tij.
Ky vendim hyn në fuqi menjëherë dhe publikohet në faqen zyrtare të internetit të Komisionit
Qendror të Zgjedhjeve.
Kundër këtij vendimi mund të bëhet ankim në Kolegjin Zgjedhor Gjyqësor pranë Gjykatës
Administrative të Apelit, Tiranë, brenda (5) ditëve nga shpallja e këtij vendimi.
Data: dd mmvvvv Nr: 123-456
Ora: hh:mm
Për miratimin e rregullave për regjistrimin e zgjedhësve
nga jashtë vendit dhe përgatitjen e listës së zgjedhësve 5
