Kanë dale të tjera detaje në lidhje me vetëdorëzimin në polici të Azgan Mërnicës, i cili është autori i vrasjës së policit në Fier, Novruz Cenalia.
Policia e kishte e lokalizuar dhe i kishte thënë familjarëve të Azgan Mërnicës që të vetëdorëzohet, ndryshe do të neutralizohej. I ishte bërë e qartë që të vetëdorzohej dhe pas negociatave me familjarët, u vetëdorëzua në Dërmenas aty ku fshihej.
Po ashtu bëhet e ditur se kanë qenë familjarët që e kanë bindur të vetëdorëzohet. Policia e kishte lokalizuar dhe i ka lënë afat ose dorëzohu ose do të ndërhynë.
Kujtojmë se akti i rëndë ndodhi mesditën e 13 majit, teksa i riu Novruz Cenalia, sapo kishte marrë rrugën në drejtim të punës. Ai ishte i veshur me rroba policie, por fati i keq e ka përballur në rrugë me të riun Azgan Mernica.
Dyshohet se mes tyre ka patur një sherr për përparësinë e kalimit në një rrugë të ngushtë që ndodhej në fshatin Baltëz të Fierit, zonë në të cilën banonte familja Cenalia prej shumë vitesh. Efektivi i forcave ‘Shqiponja’ ka debatuar me të riun që vinte nga një fshat tjetër, por që kalonte nëpër Baltëz, por ai është larguar pak, ka nxjerrë armën dhe e ka qëlluar në kokë, duke i marrë jetën.
Policia ka shkuar në vendin e ngjarjes pas telefonatës së banorëve të zonës, ndërsa, i ati i Policit, gjendej në sallën operative të drejtorisë së Policisë së Fierit. Autori, një djalë vetëm 23 vjeç është larguar menjëherë me makinën e tij, një mjet tip ‘Audi’, e ka braktisur atë për tu fshehur.
