Policia shpall në kërkim 4 persona, të cilët dyshohen se kanë qenë në apartamentin në Astir ku një 21-vjeçare pretendoi se u dhunua. Një prej të kërkuarve edhe Joni S, i dashuri i vajzës i cili rezulton se në 2017, është arrestuar Kavajë për tentativën e 1.3 tone kanabis drejt Italisë.
Nga hetimet rezulton se 4 djemtë të cilët rezultojnë me rekorde penale kanë qenë në apartament dhe kanë konsumuar gjatë gjithë natës kokainë, në shoqërinë e 3 vajzave, mes tyre edhe 21-vjeçarja.
Vajza para oficerëve ka deklaruar se nuk është dhunuar, ndryshe nga në fillim qe pretendoi se ishte dhunuar nga disa persona. Policia ndërhyri nga tarraca e pallatit me qëllim që të hapte derën pasi vajza refuzonte. Denoncimi në polici ishte bërë nga babai i cili refuzonte lidhjen e vajzës me Joni S, për shkak se ai ishte problematik. Policia gjeti dy pistoleta dhe gjurmë kokaine në apartamentin e marrë me qira nga vajza dhe partneri i saj.
