Sherri masiv në Sarandë, ku janë përfshirë 4 punonjës policie, nga e njëjta familje, si dhe një ish-punonjës policie, gjatë të cilit janë përdorur armë dhe sende të forta, dyshohet të ketë patur si motiv mosshlyerjen e një borxhi. Përplasja ka nisur mes fiseve Sulejmani dhe Duka dhe deri më tani 3 prej të dyshuarve, përfshirë dhe oficeri i policisë Alvaro Sulejmani janë vetëdorëzuar. Në konflikt dyshohet të jenë përfshirë 12 persona.
Alvaro Sulejmani, komisariati i policisë Himarë, është dorëzuar vullnetarisht Kidi Sulejmani, oficer në Komisariatin e Kufirit Sarandë, Redi Sulejmani, student në Akademinë e Policisë (vëllezër).
Ergis Sulejmani, oficer në Komisariatin e Kufirit Sarandë, Igli Duka, ish-efektiv Komisariatit të Policisë Sarandë
Njoftimi i policisë:
Më datë 02.01.2025, rreth orës 01:35, në fshatin Gjashtë, Sarandë, dyshohet se janë përfshirë në një konflikt për motive të dobëta, duke përdorur sende të forta, disa shtetas, ndërmjet tyre dhe punonjës policie jashtë shërbimit.
Si pasojë e konfliktit, kanë mbetur të dëmtuar shtetasit E. N. dhe A. N., të cilët, pas marrjes së ndihmës mjekësore në spital, janë shoqëruar në Komisariatin e Policisë Sarandë për veprime të mëtejshme.
Në Komisariatin e Policisë janë shoqëruar gjithashtu disa prej shtetasve të përfshirë në konflikt, përfshirë punonjësit e Policisë jashtë shërbimit. Vijon puna për identifikimin dhe shoqërimin e të gjithë shtetasve të tjerë të përfshirë.
Grupi hetimor dhe AMP, nën drejtimin e Prokurorisë Sarandë, po punojnë për zbardhjen dhe dokumentimin e plotë të kësaj ngjarjeje.
