Fation Janina ka pranuar para hetuesve se është ai autor i vrasjes së fqinjit të tij 82-vjecar, Paulin Gina.
Ai ka deklaruar se debati mes tyre nisi për shkak të një borxhi që i kishte i moshuari dhe nuk pranonte t’ia kthente.
“Ai me kishte 200 mije lekë borxh. I thashë flasim për borxhin, pasi lekët më duhen për vitin e ri. Bëmë debat. Ai më tha skam lekë. Më tha drogaxhi. Unë e godita. Pas krimit, shkova ne shtëpi fsheha thikat dhe çekiçin. Ndërrova rrobat dhe ikan ga shtëpia nga frika e policisë”, është shprehur i dyshuari, duke u përpjekur të ngrejë alibi se ishte viktima që tentoi ta godiste i pari.
Gina 82-vjecar u gjet i vrarë në banesën e tij në lagjen 16 në Durrës dhe fakti që dera ishte e mbyllur sipas hetuesve nuk kishte të bënte me një grabitje. I moshuari kishte plagë në fytyrë e gjoks dhe ishte goditur me thikë e cekic. Pas disa orësh hetime, u identifikuar Janina si autor i dyshuar. Pas shumë negociatash me vëllain e të dyshuarit ai u vu në pranga. Policia sekuestroi cekicin dhe dy thika që u përdorën në krim.
