Deputetja demokrate Flutura Açka ka dorëzuar një kërkesë në Kuvend për të ndryshuar komisionin ku ajo bën pjesë, ndërsa ka shoqëruar këtë vendim me akuza të rënda ndaj Gazment Bardhit.
Në kërkesën e saj, Açka ka deklaruar se dëshiron të kalojë në Komisionin për Çështjet Ligjore, Administratën Publike dhe të Drejtat e Njeriut. Ajo ka theksuar se vendosja e saj fillestare në Komisionin e Edukimit dhe Mjeteve të Informimit Publik nuk ka qenë zgjedhje e lirë, por e imponuar nga drejtuesit e Grupit Parlamentar të Partisë Demokratike.
Açka ka denoncuar gjithashtu shantazhe dhe presione të vazhdueshme që, sipas saj, i janë bërë në mënyrë të hapur. Kërkesa e saj për ndryshim pritet të diskutohet dhe votohet gjatë seancës plenare të Kuvendit të sotëm.
