Në mbledhjen e sotme, Qeveria miratoi një vendim për t’i akorduar Komisionit Qendror të Zgjedhjeve (KQZ) një shtesë prej 20 milionë lekësh, e cila do të përdoret për mbulimin e shpenzimeve përgatitore për zgjedhjet parlamentare të vitit 2025.
Sipas vendimit, efekti financiar i këtij alokimi do të mbulohet nga fondi rezervë i buxhetit të shtetit për vitin 2024. Në dokumentin e miratuar, specifikohet se KQZ-së do t’i shtohet një fond prej 20,9 milionë lekësh në zërin "Shpenzime korrente" të programit "Planifikim, menaxhim, administrim", i cili do të përdoret për shpenzimet e nevojshme që i paraprijnë procesit zgjedhor për Kuvendin e Shqipërisë të vitit 2025.
