Ish-ministri i Brendshëm, Lulzim Basha, ka komentuar hetimet e SPAK për ngjarjet e 21 janarit. Ai deklaroi se deri më tani nuk është thirrur nga organet e drejtësisë, por nënvizoi se mbetet në dispozicion të tyre.
“Jo deri në këto momente, jo. Por unë në çdo rast jam dhe mbetem në dispozicion të SPAK. Është çështje detyrimi. Duhet të marrë fund epoka e imunitetit parlamentar, kur mbrohet pas imunitetit për të mos u trajtuar i barabartë para ligjit,” tha Basha.
I pyetur nëse ka frikë se hetimet mund ta prekin edhe atë, Basha u shpreh: “Frikë kanë dhe duhet të kenë ata që kanë shkelur ligjin.”
