Vodafone Albania do të rrisë çmimin e paketave celulare me parapagesë dhe me kontratë duke filluar nga data 1 korrik, tre paketat kryesore do të rriten me 100 lekë për secilën. Ndryshime të ngjashme do të pësojnë edhe çmimet mujore të paketave me kontratë. Vodafon dhe One kanë rritur gjithashtu çmimin e kartave SIM.
Shqetësimin për rritjen e çmimit vit pas viti e ka ngritur në parlament, deputeti Erjon Braçe i cili i drejtohet AKEP "Ketu në parlament me dy celulare në xhep e kemi kollaj të flasim, po një pensionist nuk i perballon dot tarifat e kompanive. Po tarifat që janë më të shtrenjta se një vit më parë" Përpos problematikës së rritjes së çmimeve vit pas viti, të cilat po bëhen të papërballueshme, Braçe ngriti dhe shqetësimin e mbulimit dhe shërbimit. Kjo, për shkak të mungesës së konkurencës dhe kontrollit të vakët të autoriteteve shtetërore. "Po shërbimi me sinjal që nuk permbush kërkesën. Sa zona ka në Shqipëri ku nuk ka sinjal se nuk ka njerëz me shumicë. Se nuk i leverdis kompanive mbulimi me sinjal në këto zona." tha Braçe
