Pas përfundimit të mbledhjes së Grupit Parlamentar të PD, Gazment Bardhi foli për mandatin e Sali Berishës.
Sipas Bardhit nuk rrezikon të humb mandatin pasi Berisha ka qenë aktiv si deputet edhe pse ka qenë nën masën e sigurisë arrest në shtëpie.
"Nuk kemi pasur asnjë diskutim sa i takon Sali Berishës. E kemi thënë më parë që nuk ka asnjë rrezik ligjor që Berisha të humbë mandatin e deputetit.
Kushtetuesja thotë që kjo mund të ndodhë vetëm me vullnetin e deputetit. Berisha edhe pse është në izolim ka qenë një deputet me aktiv se trecereku i deputetëve në parlament.
Nëse i ikim Kushtetutës dhe merren vendime të njëanshme politike nga kundërshtari i Berishës, këtu pastaj i bie të bjerë cdo mekanizëm i stabiliteti." tha Bardhi
Në sinkron me Bardhin është shprehur dhe kryetarja e Kuvendit, Nikolla e cila e quan mungesën e Berishës me arsye.
"Dua t’i japim fund spekulimeve. Qenia e një personi nën këtë masë nuk mund të konsiderohet si mungesë pa arsye në Kuvend. Jemi konsultuar me njohës të ligjit dhe Kushtetutës"
Ish-kryeministri Sali Berisha ndodhet në arrest shtëpie që prej 30 dhjetorit të vitit të kaluar dhe në 20 qershor bëhen 6 muaj që mungon në seancat plenare.
