Ekipet e Grupit E përfundojnë fazën e parë me llogari statistikore. Kjo për faktin se të katërta skuadrat e mbyllën me pikë të barabarta, por që golavarazhi pozitiv kalon në fazën tjetër Belgjikën dhe Rumaninë.
Belgjika e cila është një prej ekipeve që u paraqit jo në nivelin që pritej, edhe kundër Ukrainës nuk shkoi më shumë se barazim pa gola. Ndërsa Ukraina pavarësisht përpjekjeve dhe rasteve që krijoi për të siguruar një rezultat pozitiv, nuk ia arriti të shënonte duke u renditur kështu e fundit në grup dhe duke i dhënë lamtumirën Europianit.
Në barazim u mbyll edhe dueli tjetër mes Rumanisë dhe Sllovakisë. Rezultati 1-1 gëzoi dy kampet, që festuan në fund avancimin në raundin e 1/8-ve.
Ndërsa sa i përketë fazës tjetër, Belgjika si vendi dytë gjen Francën përballë, ndërkohë që Sllovakia do të ndeshjet me Anglinë ose Spanjën.
