Gazetarja Esiona Konomi ka reaguar lidhur me debatet mbi mandatin e gjyqtares Sonila Bejtja në Gjykatën Kushtetuese, duke mbështetur qëndrimin e Presidentit Bajram Begaj. Ajo thekson se Presidenti nuk ka marrë asnjë vendim vetë, por ka kërkuar interpretim nga Gjykata Kushtetuese mbi afatet e mandateve të anëtarëve të saj. Konomi kritikon opozitën dhe mbështetësit e Bejtjas, duke argumentuar se presioni politik dëmton pavarësinë e Gjykatës.
Statusi i plotë:
?? ???????????! ??? ?? ?????̈ ??????? ??? ????????? ?????? ?????? ??? ??????? ? ???????̈? ????????????
Nuk kam qenë ndonjëherë përkrahëse e z. Bajram Begaj, por në rastin e Gjykatës Kushtetuese, jam me Presidentin e Republikës.
Ai nuk mori ndonjë akt “prej ushtari”, siç e akuzojnë disa të prekur drejtpërdrejt.
Presidenti nuk e shkarkoi gjyqtaren Sonila Bejtja e as hapi garë për zëvendësimin e saj pa u shpallur vakanca nga vetë Gjykata Kushtetuese.
Kreu i Shtetit, shfrytëzoi të drejtën e tij për ta vënë në lëvizje këtë Gjykatë, e duke i kërkuar interpretim final të Kushtetutës, se si do të realizohet ripërtëritja e kësaj Gjykate, pra, kur i mbaron mandati secilit gjyqtar.
Pra, Begaj nuk e mori vetë vendimin, i kërkoi Gjykatës Kushtetuese të vendosë.
Kjo, për sa kohë ka interpretime të ndryshme për këto afate.
Tani, pse i trembet opozita vendimit të Gjykatës?
Pse gjyqtarja Sonila Bejtja “ka frikë” nga vendimi i kolegëve për mandatin e saj?
Mbështetësit e saj të flakët opozitarë vetëm sa po e dëmtojnë duke ngulur këmbë se e duan më çdo kusht aty, dhe nuk ju pëlqen të vendosë Gjykata.
Ishte Gjykata ajo që i dha zgjidhje mandatit të kryetares Holta Zaçaj, e duhet ta kishte bërë edhe me Elsa Toskën, e duhet ta bëjë edhe me Sonila Bejtjan e me këdo tjetër.
Pazaret politike, më ruaj një gjyqtar aty, se nuk bëj zë unë për atë gjyqtarin tjetër atje, nuk i japin dinjitet Gjykatës.
