Bujar Nasufi u ekzekutua mbrëmjen e kaluar në sy të bashkëshortes së tij. 56-vjecari ishte ndaluar pranë shtëpisë dhe po parkonte.
E shoqja kishte dalë ndërkohë nga makina dhe në moment një person zbret nga një motor, afrohet me të shpejtë pranë tyre dhe qëllon 26 plumba në drejtim të Nasufit. 56-vjecari mbeti i plagosur rëndë dhe humbi jetën më pas rrugës për në spital. Autori është kthyer mbrapsht, është ngjitur në motorr dhe është larguar drejt Selitës dhe ka humbur gjurmët në kodrat lart. Për shkak të tronditjes, e shoqja e tij ska dhënë shumë detaje lidhur me vrasjen, por pritet të ripyetet nga hetuesit. Policia është përqëndruar tek pista e përplasjes për motive pronësie. Nasufi dhe vëllezërit e tij kanë në pronësi vilën Ferdinand, e po ashtu një objekt pesëkatësh, që kanë jo vetëm mobileri por kanë dhënë një ambjent me qira, ku është hapur palestër. Për momentin, hetuesit po mbledhin dëshmitë e personave që mund të kenë dijeni për ngjarjen, ndërsa po kqyrin kamerat e sigurisë, për të parë nëse ka persona që mund të kenë informuar autorin për lëvizjet e Nasufit.
