Një ngjarje e rëndë u shënua këtë mbrëmje në Tiranë. Bujar Nasufi rreth 56 vjec po udhëtonte me automjetin e tij, në rrugën “Myrte Zeneli” kur rreth orës 20:40 u qëllua në drejtim të tij nga persona të paidentifikuar. Ai mbeti i plagosur, por ndërroi jetë më pas në spital. Policia është duke hetuar për të hedhur dritë mbi rrethanat e ngjarjes. Në të gjithë hyrje daljet e kryeqytetit janë ngritur pika kontrolli me shpresën për të rënë në gjurmët e autorëve. Ndërsa grupi hetimor është duke sekuestruar kamerat e sigurisë në zonë, për të rindërtuar mekanizmin e krimit të rëndë.
Tiranë/Informacion paraprak
Më datë 12.01.2025, rreth orës 20:40, tek “Pallati me Shigjeta” në rrugën “Myrte Zeneli”, është qëlluar me armë zjarri në drejtim të një automjeti me drejtues shtetasin B.N, rreth 56 vjeç, i cili si pasojë ka humbur jetën.
Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit. Informacion më të detajuar mbi këtë ngjarje do të japim në vijim pas veprimeve hetimore paraprake
