Presidenti i Shteteve të Bashkuara, Donald Trump, ka bërë të ditur se Libani dhe Izraeli kanë arritur një marrëveshje për armëpushim 10-ditor, i cili pritet të hyjë në fuqi në orën 17:00 me kohën lokale amerikane (22:00 BST), sipas raportimit të BBC-së.
Përmes një postimi, Trump njoftoi për marrëveshjen, duke theksuar se ka zhvilluar biseda si me Presidentin e Libanit, Joseph Aoun, ashtu edhe me Kryeministrin e Izraelit, Benjamin Netanyahu.
Megjithatë, në deklaratën e tij nuk përmendet Hezbollahu, grupi militant i mbështetur nga Irani në Liban, i cili ka qenë i përfshirë në përplasje të armatosura me Izraelin.
Ja deklarata e plotë e presidentit amerikan:
‘Sapo pata biseda të shkëlqyera me Presidentin e Libanit shumë të respektuar Joseph Aoun dhe Kryeministrin e Izraelit Bibi Netanyahu. Këta dy udhëheqës kanë rënë dakord që për të arritur paqen midis vendeve të tyre, ata do të fillojnë zyrtarisht një armwpushim 10-ditor në orën 5 pasdite.
“Të martën, të dy vendet u takuan për herë të parë në 34 vjet këtu në Uashington, D.C., me Sekretarin tonë të Madh të Shtetit, Marco Rubio. Unë i kam udhëzuar Zëvendëspresidentin JD Vance dhe Sekretarin e Shtetit Rubio, së bashku me Kryetarin e Shtabit të Përbashkët, Dan Razin’ Caine, të punojnë me Izraelin dhe Libanin për të arritur një paqe të qëndrueshme. Ka qenë nderi im të zgjidh 9 luftëra në të gjithë botën, dhe kjo do të jetë e 10-ta, kështu që le ta përfundojmë!’
