Sipas të dhënave të fundit të publikuara nga Pentagoni, gjatë konfliktit të Shteteve të Bashkuara të Amerikës me Iranin janë regjistruar një numër viktimash dhe të plagosurish. Nga të plagosurit, 247 janë pjesëtarë të ushtrisë tokësore, 63 të marinës, 19 marinsa dhe 36 nga forcat ajrore.
Shumica e ushtarëve të plagosur janë rikthyer tashmë në detyrë, sipas njoftimit të mëhershëm nga Komanda Qendrore e SHBA-së (CENTCOM), ndërsa raportimi është publikuar nga The Ëall Street Journal.
Numri i viktimave mbetet 13, sipas të dhënave ushtarake. Prej tyre, shtatë janë vrarë gjatë operacioneve, përfshirë gjashtë që humbën jetën në një sulm iranian në Kuvajt dhe një tjetër që ndërroi jetë si pasojë e plagëve në Arabinë Saudite.
Gjashtë viktimat e tjera u shkaktuan nga një aksident ajror, konkretisht nga rrëzimi i një avioni amerikan furnizues me karburant në ajër, dhe klasifikohen si vdekje jo të lidhura me veprime armiqësore.
Ndërkohë, një anëtar i ekuipazhit të një avioni luftarak amerikan F-15 që u rrëzua mbi Iran vazhdon të jetë i zhdukur, ndërsa operacionet e kërkimit po zhvillohen intensivisht nga forcat iraniane dhe amerikane.
Gjatë operacionit të shpëtimit të pilotit, të paktën një anëtar i ekuipazhit të helikopterit ka mbetur i plagosur.
