Ngushtica e Hormuzit nuk pritet që të hapet së shpejti. Këtë e thotë raporti i fundit I CIA-as amerikane, i cili thotë se Irani nuk do lejojë një hapje të shpejtë për t’a përdorur si mjet presioni ndaj Shteteve të Bashkuara të Amerikës dhe të gjithë botës.
Lajmi është konfirmuar nga disa media ndërkombëtare që kanë cituar 3 burime pranë shtëpisë së bardhë, ndërsa Teherani kërcënoi këtë të shtunë se mund ta mbajë të mbyllur Ngushticën e Hormuzit mevite.
Ngushtica e Hormuzit, përmes së cilës kalon rreth një e pesta e tregtisë botërore të naftës është pothuajse e paralizuar. Ekspertët vlerësojnë se kjo situatë mund të ketë efekt të kundërt nga ai i synuar fillimisht, duke rritur ndikimin rajonal të Iranit dhe duke dëshmuar aftësinë e tij për të kërcënuar furnizimet globale me energji.
Presidenti amerikan Donald Trump ka minimizuar vështirësitë për rihapjen e kësaj rruge ujore, duke sugjeruar se forcat amerikane mund ta bëjnë këtë ‘lehtësisht’. Në një postim në platformën e tij Truth Social, ai u shpreh se një veprim i tillë do të sillte përfitime të mëdha ekonomike.
