rill
Qeveria shqiptare miratoi bonusin e pranverës për pensionistët për vitin 2025 qyshse në dhjetor.
Fillimisht, shpërndarja e bonusit ishte planifikuar për pranverën, por qeveria ka vendosur ta avancojë atë në muajin shkurt 2025. Kjo do të thotë se mbi 730,000 pensionistë do duhej të kishin filluar të merrnin bonusin. "Pensionistët nuk do presin të mbarojmë zgjedhjet ne, do e marrin që në shkurt. Se si e mendojnë ata që mendjen e kanë mbrapsht kjo është festa e madhe e demokracisë. Kështu që nuk kam asnjë shqetësim”, deklaroi vetëm pak kohë më parë kryeministri Edi Rama.
VNA ka pyetur në disa zyra poste, dhe na rezulton që ende nuk ka nisur të shpërndahet bonusi për pensionistët. Madje, kur pyesim punonjëset për datën e shpërndarjes, ngrenë supet, duke thëne se: "Edhe ato janë në pritje për lekët. Por në Mars ose Prill mendojmë se fillon shpërndarja".
Sipas vendimit, pensionistët me pension mujor nën 20,000 lekë do të përfitojnë një bonus prej 10,000 lekësh (rreth 100 euro), ndërsa ata me pension mbi këtë vlerë do të marrin 5,000 lekë (rreth 50 euro). Për të siguruar shpërndarjen e këtij bonusi, është krijuar një llogari speciale në Bankën e Shqipërisë me një fond prej 6.3 miliardë lekësh.
Përveç pensionistëve, qeveria ka planifikuar shpërblime edhe për kategori të tjera sociale. Familjet që trajtohen me ndihmë ekonomike, personat me aftësi të kufizuara dhe kujdestarët e tyre do të përfitojnë një shpërblim prej 15,000 lekësh. Për këtë qëllim, është alokuar një fond prej 2.2 miliardë lekësh.
Këto masa synojnë të mbështesin shtresat më në nevojë dhe të përmirësojnë mirëqenien e tyre financiare.
