Kremlini ka akuzuar administratën në largim të Presidentit Joe Biden për përshkallëzimin e konfliktit në Ukrainë, duke thënë se vendimi i fundit për të autorizuar përdorimin nga Ukraina të raketave me rreze të gjatë veprimi kundër Rusisë ka ndezur më tej tensionet.
Zëdhënësi i Kremlinit, Dmitry Peskov, tha se një veprim i tillë do të sillte një raund të ri tensioni dhe do të thellonte përfshirjen e SHBA-së në luftë.
Sipas agjencisë ruse të lajmeve TASS, Peskov tha se Moska e sheh mundësinë që trupat e specializuara perëndimore të nisin sulme me rreze të gjatë kundër saj si rrezikun kryesor.
Fakti është se këto goditje nuk i kryen Ukraina, këto sulme kryhen nga ato vende që japin leje, sepse shënjestrimi, mirëmbajtja e tjera nuk bëhet nga ushtarakët ukrainas, bëhet nga specialistë ushtarakë nga këto vende perëndimore”, mësohet të ketë thënë ai.
“Ky është rrezik dhe provokimi i kësaj situate”, paralajmëroi ai.
