Kryetari i Partisë Demokratike Sali Berisha prezantoi Drejtuesin e fushatës së PD, z.Christopher LaCivita. Në konferencën për mediat, kreu i PD e cilësoi z. Civitas si kryearkitektin e fitores së Presidentit Amerikan, Donald Trump. "Zgjodhi PD-në sepse ne luftuam dhe mbrojtëm vlerat konservatore", tha Berisha. Në prezantimin e tij të parë për mediat Christopher LaCivita e cilësoi Ramën, "asgjë më shumë se kukull i Sorros". Nuk mund të jesh edhe kukull e tij edhe mik i SHBA. Vetëm Berisha është një mik i vjetër dhe i vërtetë i SHBA. Shumë në SHBA në media në partitë e së majtës kanë thënë se Trump nuk mund të fitonte por ai fitoi pavarësisht sulmeve të administratës Biden. Populli donte më shumë nga qeveria, këtë do edhe populli shqiptar. Këto ishin rrethanat që na bashkuan dhe na sollën këtu, sepse ne e dimë që Berisha mund të fitojë. Berisha si Trump është përndjekur nga një qeveri që nuk respekton demokracinë- tha Civitas. LaCivita ka qenë pjesë përbërëse e disa fushatave politike të profilit të lartë. Ai shërbeu si këshilltar i lartë i fushatës presidenciale të senatorit Rand Paul më 2016 dhe fushatës së rizgjedhjes së senatorit Ron Johnson më 2022. Para se të hynte në politikë, LaCivita shërbeu në Korpusin e Marinës së Shteteve të Bashkuara, ku u ngrit në gradën e Rreshterit, pa luftime gjatë Luftës së Parë të Gjirit.
