Kryetari i Partisë Demokratike, Sali Berisha, e ka pranuar ditën e sotme nga foltorja e Parlamentit, se kompania që bëri skenën e Kuvendit të Rithemelimit në 11 dhjetor 2021 në stadiumin “Air Albania”, kishte si pronar burrin e deputetes së Partisë Socialiste, Blerina Gjylameti.
“Kur u bë Kuvendi i Rithemelimit, ata që u orën me punën e skenës, skenografia, kontraktuam një kompani dhe më thanë që ajo është më e mira, mirë u them unë. Kur më vonë del Lul brava dhe bën denoncimin, thotë e ndihmoi Rama me burrin e Gjylametit. Pyes unë, po tha ai ortak ishte. Po si e morët, u them unë, çpunë kishim ne me të? Po jo se ishte e vetmja kompani që mund t’i bënte në cilësinë e duhur, ishin dy vetë” – u shpreh Berisha në Kuvend.
Kreu i PD mesa duket ka harruar se në atë periudhë, kur disa media e denoncuan rastin, ai e përgënjeshtroi së bashku me deputeten e PS, Gjylameti. E cila sot kur Berisha e konfirmoi në sy të saj, e kaloi me buzëqeshje pa e mohuar.
[video width="848" height="480" mp4="https://cdnimpuls.com/vna.al/wp-content/uploads/2025/02/dc43b38f-d30f-48e1-a609-11ef12191b3c.mp4"][/video]
