Policia e Elbasanit ka mundur të identifikojë një person që e dyshon si autorin e vendosjes së lëndës plasëse në derën e apartamentit të Besnik Brakës në qytetin e Elbasanit, në të cilin banonin dy motra nga Lezha, njëra prej të cilave e fejuara e Armarildo Nikolli alias Xhanej i dyshuar si vrasës ma pagesë. Personi i dyshuar, është një kontigjent i krimit, i cili është fiksuar nga kamerat e sigurisë afër pallatit në kohën kur ndodhi shpërthimi. Policia po kryen disa veprime hetimore, për të siguruar prova të tjera që mund ta lidhin këtë person me ngjarjen.
Nga shpërthimi i lëndës plasëse në derën e apartamentit, mbeti i plagosur një 26-vjecar, i cili banonte në derën ngjitur. Policia është duke hetuar përplasjet që mund të ketë patur Besnik Braka, për shkak se është një emër i njohur I krimit në qytet. Ndërsa, nuk përjashtohet fakti se shënjestër mund të ishin dy motrat nga Lezha. Njëra prej tyre është e fejuara e Amarildo Nikollit i njohur me nofkën Shkodrani që ndodhet në burg për planet për të kryer vrasjen e vlonjanit Inez Hajrulla.
Xhovana Nikolli dhe motra e saj nuk kanë dhënë detaje për policinë lidhur me ngjarjen. Ajo ka deklaruar se do të flasë në SPAK.
