Zyra e Prokurorit të Specializuar (ZPS) ka njoftuar se është duke kryer operacione hetimore në Kosovë për vepra penale që lidhen me administrimin e drejtësisë. Sipas deklaratës zyrtare, këto veprime janë të autorizuara nga Dhomat e Specializuara të Kosovës (DHSK) dhe mbështeten nga Misioni i Bashkimit Evropian për Sundimin e Ligjit në Kosovë (EULEX).
Mëngjesin e sotëm, në kuadër të këtyre hetimeve, është arrestuar ish-kryetari i Komunës së Malishevës, Isni Kilaj, si dhe Fadil Fazliu, vëllai i heronjve Fahri e Bahri Fazliu.
