Kryetari i Lëvizjes “Bashkë”, Arlind Qori, ka daleë në krahë të Albin Kurtit pas përplasjes së këtij të fundit me biznesmenin Shkëlqim Devolli. Sipas Qorit, ky konfrontim tregon fuqinë e oligarkëve në Kosovë, të cilët janë gjithashtu të fuqishëm ekonomikisht, mediatikisht dhe politikisht. Ai thekson se këta individë, përmes kanaleve si Klan Kosova, janë rreshtuar kundër Albin Kurtit dhe lëvizjes që ai udhëheq.
Qori e krahasoi situatën me Shqipërinë “Mesa duket, ndryshe nga homologët e tyre në Shqipëri që e kanë qeverinë dhe 99% të opozitës në xhep (shih çështjen e fundit që përfshiu okigarkun Samir Mane dhe policin Azbi Spahiu), oligarkut Devolli me shokë u ka ngecur sharra në gozhdë në Kosovë.- shkruan Qori në një postim.
“Kohët e fundit në Kosovë është ashpërsuar kontradikta midis qeverisë së Lëvizjes Vetëvendosje dhe oligarkut Devolli, i cili është një kombinim i Samir Manes dhe Aleksandër Frangajt në kontekstin e Kosovës. Televizioni i tij Klan Kosova është rreshtuar kokë e këmbë kundër Albin Kurtit dhe Lëvizjes Vetëvendosje. Me sa duket, ndryshe nga homologët e tyre në Shqipëri që e kanë qeverinë dhe 99% të opozitës në xhep (shih çështjen e fundit që përfshiu okigarkun Samir Mane dhe policin Azbi Spahiu), oligarkut Devolli me shokë u ka ngecur sharra në gozhdë në Kosovë.
Kontradikta në Kosovë tregon dy gjëra njëkohësisht. Oligarkët janë të fuqishëm edhe ekonomikisht, edhe mediatikisht, edhe politikisht, ndryshe nga ç'paraqiten në Shqipëri si fakirë në shërbim të qeverisë. Është e mundur të mos u nënshtrohesh oligarkëve.
Uroj që në zgjedhjet e të dielës e më tutje Kosova ta fitojë përfundimisht betejën me oligarkinë, duke u bërë shembull edhe për Shqipërinë” – shkruan Qori në reagimin e tij.
