Pas një periudhe pushimi, Arbana Osmani rikthehet sërish në ekran – por këtë herë jo në televizionin ku jemi mësuar ta shohim. Me një format të ri dhe të veçantë, Arbana vjen në YouTube me emisionin që do të mbledhë personazhet më të dashur dhe të njohur për publikun shqiptar.
Në këtë emision të ri, që do të jetë një ndërthurje mes bisedave intime dhe atmosferës së ngrohtë familjare, Arbana do të ftojë miqtë e saj në një ambient të veçantë: shtëpinë e saj në Boge. Të ftuarit e parë mësohet se do të jenë Alketa Vejsiu, Arjan Çani, Eraldo Rexho dhe ndoshta edhe Ylli Limani, të cilët do të ndajnë histori nga jeta e tyre personale dhe profesionale, momente të veçanta dhe përvoja që i kanë formuar si individë.
Pritet që Arbana të sjellë një format autentik e të sinqertë, ku publiku do të ketë mundësinë të njohë anët e panjohura të të ftuarve. Gjithashtu, surprizat e përgatitura nga Arbana për secilin prej tyre premtojnë ta bëjnë këtë emision një nga eksperiencat më të veçanta të sezonit.
