41 vjet/Revolta e Qafë Barit në dosjet e Ish-Sigurimit
Në burgun e sigurisë së lartë në Qafë Bar, ku regjimi komunist mbante të izoluar rreth 500 të dënuar politikë me dënime mbi 25 vite, më 22 maj 1984 shpërtheu një nga aktet më të guximshme të rezistencës kundër regjimit totalitar.
Revolta nisi si refuzim ndaj punës së detyruar, por shumë shpejt u kthye në një thirrje për liri dhe demokraci, me thirrjet “Poshtë komunizmi! Poshtë diktatura! Poshtë diktatori!” që tronditën kampin dhe përtej.
Të dënuarit Ndue Pisha dhe Ndrek Nikolla refuzuan të dalin në punë. Më pas, Sokol Sokoli dhe Sokol Progri u bënë zëra qendrorë në organizimin e mosbindjes dhe protestës. Një grup i përbërë nga rreth 24 të burgosur u ngrit me guxim kundër dhunës dhe mizorisë, duke u përballur me forcat e policisë dhe më pas me civilë të armatosur të thirrur nga rrethet përreth për të shtypur revoltën.
Dhuna që pasoi ishte brutale. Disa të burgosur u ekzekutuan pa gjyq, të tjerë u dënuan me burgime të reja të rënda. Revolta u shua, por mesazhi i saj jeton si simbol i kurajos përballë një regjimi të pamëshirshëm.
Pjesëmarrësit kryesorë në revoltë dhe dënimet e tyre:
• Sokol Sokoli – Pushkatim
• Tom Ndoja – Pushkatim
• Sokol Progri – 25 vjet burg
• Vllasi Koçi – 25 vjet burg
• Martin Leka – 16 vjet burg
• Haxhi Baçinozi – 21 vjet burg
• Bajram Vuthi – 15 vjet burg
• Ndue Pisha – 25 vjet burg
• Lush Bushgjoka – 12 vjet burg
• Kostandin Gjordeni – 10 vjet burg
• Lazër Shkëmbi – 12 vjet burg
• Hysen Tabaku – 11 vjet burg
Sokol Sokoli dhe Tom Ndoja u ekzekutuan barbarisht. Trupat e tyre u zbuluan në vitin 2011 në një vend të izoluar pranë antenave të Radio Shkodrës, dhe më pas u dekoruan nga Presidenti i Republikës me Medaljen e Artë të Shqiponjës, si Martirë të Demokracisë.
Burimi : Arkiva e AIDSSH
Lexo gjithashtu
Video
Donald Trump u përplas me ambasadorin e Australisë në Shtetet e Bashkuara, Kevin Rudd, gjatë një deklarate me gazetarët që mbulonin vizitën e kryeministrit australian Tony Albanese në Uashington. Gjatë konferencës, një gazetar australian e pyeti presidentin amerikan nëse kishte ndonjë shqetësim në lidhje me qeverinë australiane — veçanërisht për shkak të komenteve kritike që Rudd kishte bërë në të kaluarën për të, kohë kur ai shërbente si kryeministër. Trump reagoi menjëherë duke thënë: “As mua nuk më pëlqen, dhe ndoshta nuk do të më pëlqesh kurrë.” Komentet kritike të Rudd ndaj Trump datojnë në vitin 2020, kur ai e kishte cilësuar atë në rrjetet sociale si “presidentin më shkatërrues në histori”. Postimi u fshi më vonë, por duket se nuk është harruar nga presidenti amerikan.
Një tornado e fuqishme ka goditur rajonin Val d’Oise, në veri të Parisit, ku një person ka humbur jetën dhe disa të tjerë janë plagosur. Pamje të publikuara në rrjetet sociale tregojnë momentin kur dy vinça gjigantë rrëzohen nga forca e erës, ndërsa dëmet materiale në zonat e prekura janë të konsiderueshme. Tornado e rrallë për këtë rajon ka shkaktuar panik në disa zona të periferisë së Parisit, ndërsa ekipet e emergjencës janë në terren për të ndihmuar të prekurit dhe për të vlerësuar shkallën e dëmeve. Autoritetet u kanë bërë thirrje banorëve të qëndrojnë të sigurt dhe të shmangin lëvizjet e panevojshme derisa situata të stabilizohet.
Një granatë dore e periudhë së Luftës ka shpërthyer sot në fshatin Gështenjas të Pogradecit, duke plagosur një 49-vjeçar. Gentian Yzellari po punonte në oborrin e banesës së tij kur gjatë punës me një mjet bujqësor ka aktivizuar aksidentalisht një granatë dore që ndodhej nën tokë. Si pasojë e shpërthimit, ai ka pësuar dëmtime në trup dhe në fytyrë. Yzellari po merr trajtim mjekësor në Spitalin e Pogradecit dhe ndodhet jashtë rrezikut për jetën, ndërkohë që po shqyrtohet mundësia e transportimit të tij drejt Tiranës për mjekim më të specializuar.
Një avion i kompanisë Air China u detyrua të bënte një ulje emergjente pasi një bateri brenda në një çantë dore shpërtheu në flakë gjatë fluturimit. Incidenti ndodhi në një linjë ajrore që udhëtonte nga aeroporti i Hangzhou drejt Koresë së Jugut, duke shkaktuar panik mes pasagjerëve. Një pasagjer tha se dëgjoi një shpërthim të fortë disa sekonda para se të shpërthente zjarri në ndarjen e sipërme të bagazheve. Pavarësisht situatës së rrezikshme dhe tymit që mbushi kabinën, asnjë pasagjer nuk u lëndua, ndërsa piloti realizoi një ulje të sigurt emergjente. Kompania tha se po heton shkakun e incidentit dhe do të forcojë kontrollet për pajisjet elektronike në bord.
Doni të informoheni të parët për lajme ekskluzive?
Bashkohuni me grupin tonë privat.
Histori të harruara
Më shumë lajme
