Gjykata e Elbasanit dënoi me 17 vite burgim Erjon Llapushin për vrasjen e një kamarieri në restorantin "Fish City" të Gjergj Lucës, në Labinot Fushë të Elbasanit.
I konsideruar si "i forti" i Pogradecit, Llapushi u shpall fajtor për akuzën e "vrasjes me dashje", pasi sulmoi në mënyrë të dhunshme kamarierin, i cili më pas humbi jetën gjatë kohës që po shërbente në restorant.
Pak ditë më parë, RENEA organizoi një aksion për arrestimin e Llapushit në banesën e tij, por operacioni dështoi.
Llapushi konsiderohet aktualisht një nga personat me rrezikshmëri të lartë shoqërore dhe renditet ndër më të kërkuarit në vend.
