Një ngjarje tragjike ka ndodhur në qytetin Blanes të Spanjës, ku një shqiptar është qëlluar për vdekje me armë zjarri. Viktima u la i plagosur pranë hyrjes së një spitali dhe ndërron jetë pas disa orësh për shkak të plagës së marrë në kokë.
Sipas raporteve nga mediat spanjolle, një nga autorët e dyshuar është vetëdorëzuar në polici, por ende nuk dihet roli i tij në këtë krim. Ndërkohë, identiteti i viktimës nuk është bërë publik.
Autoritetet po hetojnë mbi ngjarjen dhe dyshojnë se vrasja mund të ketë lidhje me trafikun e drogës, një aktivitet që është shumë i përhapur në Katalonjë, ku grupet shqiptare janë ndër më të njohurat.
Ngjarja ka shkaktuar shqetësim në komunitetin shqiptar dhe autoritetet lokale janë duke marrë masa për të zbardhur këtë rast.
