Prokurori i Tiranës Ndin Tavani ka paditur në Gjykatë Administrative Këshillin e Lartë të Prokurorisë per shkak se nuk e emëroi në SPAK edhe pse me herët e kishte renditur në 3 emrat e parë. Tavani u përjashtua nga prokuroria e Posacme pasi një komision pranë këtij institucioni vleresonte se figura e tij ishte e papërshtatshme. Prokurori Tavani thotë se informacioni është I Shërbimit Informativ por sipas tij është shqyrtuar nga organet e vettingut dhe ai është konfirmuar në detyrë nga Kolegji I Posacëm I Apelimit. Së dyti thotë Tavani, komisioni pranë SPAK ka rol rekomandues jo vendimmarrës. Për këto arsye kërkon të prishet vendimi I Këshillit të Lartë të Prokurorisë dhe ai të emërojet në SPAK. Padia është shortuar dhe Sokol Ibi është gjyqtari që duhet të shqyrtojë.
Mësohet se Ibi ka paraqitur dorëheqjen për shkak se pretendon per konflikt interesi por nuk i është pranuar nga kryetari i gjykatës. Ndaj pritet tashmë që të caktojë datën e procesit. Tavani nuk ëhstë kandidati i vetëm që ka ndjekur rrugën gjyqesore. Më herët Sonila Muhametaj ka bërë të njëjtin veprim dhe për momentin cështja e saj është duke u shqyrtuar mbi bazë dokumentash në gjykatën Kushtetuese.
