Një aksident ka ndodhur në aksin Laç-Autostradë, ku viktimë ka mbetur një 51-vjeçar. Shtetasja Florinda Zvangu 43 vjeçe, punonjëse policie, jashtë orarit të punës, ka aksidentuar një 51-vjeçar.
51-vjeçari u transportua në Spitalin e Traumës Tiranë për asistencë mjekësore më të specializuar, por ka humbur jetën në spital.
Ndërkohë, është arrestuar edhe autorja e ngjarjes.
Njoftimi i policisë:
Në aksin rrugor Laç-Autostradë, shtetasja Florinda Zvangu 43 vjeçe, (punonjëse policie, jashtë orarit të punës), duke drejtuar automjetin e saj ka aksidentuar shtetasin V. H. 51 vjeç, banues në Kurbin,(këmbësor), i cili u transportua në Spitalin e Traumës Tiranë për asistencë mjekësore më të specializuar, por ka humbur jetën në spital.
Grupi hetimor dhe specialistët e AMP (rajoni Lezhë-Shkoder), kanë kryer të gjitha veprimet në vendin e ngjarjes si dhe drejtuesja e mjetit është shoqëruar dhe arrestuar për veprën penale “Shkelja e rregullave të qarkullimit rrugor”, parashikuar nga neni 290/3 i Kodit Penal.
Materialet procedurale do të referohen në Prokurorinë pranë Gjykatës Shkallës së Parë të Juridiksionit të Përgjithshëm Lezhë për veprime të mëtejshme.
