Pas pothuajse 8 orësh, kryetari i Bashkisë së Tiranës, Erion Veliaj ka përfunduar seancën e marrjes në pyetje në SPAK. Në dalje, edhe pse nuk dha shumë detaje, Veliaj u shpreh për gazetarët se është pyetur edhe për inceneratorët, duke theksuar se aty ishte në cilësinë e bashkëpunëtorit.
“Falenderoj kolegët e SPAK, një institucion që unë nuk kisha pas të bëja më parë. Pas këtij takimi më ka krijuar bindjen që është bërë një investim persë mbari në Shqipëri. Isha me dy kolegë hetues, profesionistë dhe unë them që ne duhet ti forcojmë institucionet. Isha këtu si bashkëpunëtor. Patëm një ezaurim total të çështjes së inceneratorëve. Sigurisht që u thanë edhe disa detaje të tjera. Kolegët hetues më kërkuan që disa detaje të mos bëhen publike për gazetarët për shkak të sekretit hetimor. Armiqtë e mi ndihen më të lehtësuar” - tha Veliaj
