Joe Biden dhe Donald Trump u takuan në Zyrën Ovale të Shtëpisë së Bardhë. Presidenti i zgjedhur, Donald Trump, i shprehu Bidenit se politika ishte e ashpër, dhe e falënderoi për një tranzicion të qetë. Biden e përshëndeti me një përgjigje të thjeshtë: "Je i mirëpritur."
"Urime dhe mezi presim të kemi, siç thamë, një tranzicion të qetë. Ne mund të sigurohemi që të akomodoheni dhe që do të kemi mundësinë për të biseduar” - tha Biden gjatë takimit
Ky ishte takimi i parë mes dy liderëve që nga debati i zhvilluar në muajin qershor, kur Biden ende nuk ishte tërhequr nga gara. Paraqitja e tij e dobët në atë kohë shkaktoi shqetësime të mëdha tek demokratët për moshën e tij, çka çoi në largimin e tij nga gara presidenciale më vonë.
Pas kësaj, Kamala Harris u zgjodh si kandidate për presidente e Partisë Demokratike dhe udhëhoqi një fushatë të shkurtër, që përfundoi me humbjen e saj më 5 nëntor.
