Të enjten, më 26 dhjetor, në orën 19:00, stadiumi “Arena Kombëtare” do të presë ndeshjen e Superkupës së Shqipërisë, edicioni i 31-të në histori.
Egnatia, kampione e Shqipërisë dhe fituese e Kupës, do të përballet me Kukësin, finalist i Kupës së Shqipërisë, në një duel për trofeun e parë të sezonit 2024/2025.
Dy ditë na ndajnë nga ky ngjarje e rëndësishme, ku Egnatia, pas fitimit të titullit kampion dhe Kupës, do të synojë të sigurojë trofeun e parë të Superkupës në historinë e klubit.
Nga ana tjetër, Kukësi e ka fituar këtë titull vetëm një herë dhe synon ta përforcojë me një trofe të dytë të Superkupës.
Biletat për ndeshjen mund të blihen vetëm online në platformën e bileta.al, në këtë link: Biletat e ndeshjes: Egnatia – Kukësi.
