Deputeti i Partisë Demokratike, Dashnor Sula, mori fjalën sërish në parlament, ku akuzoi qeverinë për abuzim me tenderët, duke i quajtur ata një mjet për vjedhje. Ai e theksoi këtë duke iu referuar situatës së të burgosurve në Shqipëri, ku ata, sipas tij, nuk kanë veshje të caktuara nga shteti, por duhet të sjellin rrobat nga shtëpitë e tyre.
Sula, i veshur me një “xhaketë të burgosuri”, hodhi akuza të forta ndaj qeverisë, duke thënë se kjo e fundit i ka frikë opozitën dhe se nuk dëshiron që të dalin në shesh informacionet e pastrimit të parave përmes tenderëve. “Tmerri juaj është Sky Ecc dhe Enchro, ku flisni me kriminelë,” u shpreh ai.
Për më tepër, Sula propozoi një tender për rrobat e burgosurve, duke thënë se ata meritojnë të vishen më mirë, e madje sugjeroi që ata të mund të vishen me marka të njohura si Hugo Boss, për të përmirësuar kushtet e tyre në burg. Ai i dorëzoi ministrit të Drejtësisë, Ulsi Manja, xhaketën që mbante veshur, si simbol i protestës së tij ndaj sistemit të drejtësisë dhe kushtet e burgosurve.
